Six Tea (已結業)

馬鞍山又新開咗一間台式飲品店，對於住係馬鞍山又鐘意飲台式飲品既我，今次真係有口福啦同一般飲品店一樣，都好多唔同款式既飲品可以選擇，例如有沙冰、珍珠奶茶、唔同味道既茶呀……款款望落都幾好飲，有朝一日我要慢慢試晒佢啲飲品！而且唔止飲品，仲有唔同既小食都有！雞蛋仔雪糕新地睇落就好吸引，下次有機會再嚟試下今次就叫咗杯大紫芋椰奶，另外加咗款小食-牛肉丸，邊飲邊食！杯飲品好夠紫芋味，不過因為係椰奶，兩陣味混合埋一齊令到成杯飲品味道更甜更加正，芋頭既味道一下子就係口入面擴散，非常享受！鐘意紫芋或者椰奶既人都一定要試飲番一杯！