春禧堂台灣料理餐廳 (已搬遷) 新店位置

放工約咗朋友食飯, 要揾間地點方便嘅餐廳, 朋友提議食台灣嘢, 記得之前上網睇過在尖沙咀中港城新開咗間台灣餐廳, 一於去試下。店舖設計簡約, 以清新湖水綠為主調餐廳仲提供多款台式美食, 包括牛肉麵、滷肉飯、蛋餅、仙草凍及台式飲品等, 仲有午市、茶市、晚市套餐, 價錢實惠我哋先叫碟餐前小食牛肚呢碟牛肚滷得入味唔過咸, 唔韌有咬口, 如果再多幾舊就好了鹽酥雞排滷肉飯🍗鹽酥雞外層炸得薄而鬆脆, 內裡保留滿滿肉汁,塊扒又大塊, 配埋台式滷肉飯食確係perfect match大大塊香口又唔太油春禧牛肉鍋🍲 牛肉肥廋適中, 食落嫩口, 牛筋炆得冧又入味,牛丸彈牙, 菇菌蔬菜放底, 跟呢個蕃茄湯底非常配合, 仲另外加配米線, 麵條吸收了湯汁, 食落美味, 連金菇、娃娃菜、白蘿蔔都好入味, 好有地道台式風格火鍋紅綠豆薏米黑糖冰仙呢碗作為飯後甜點就最岩,因好足料,有紅豆、綠豆、薏米,軟硬度適中, 仙草滑嫩清香, 黑糖味甜度剛好, 食完火鍋清熱冰涼嚟到台式餐廳, 梗係要飲杯珍珠奶茶, 珍珠煙韌有口感, 甜度亦剛好原來呢間餐廳仲有大閘蟹放題, 好吸引😍下次再嚟食過