SuperNormal (淘大商場2期)

營業中

休息中

今日在淘大附近收工，同事約去supernormal食飯。同事嗌左柚子德國鹹豬手：呢盤菜超級大份，是整個豬手擺上盤，還切成一塊塊，好方便食。豬皮燒得好脆，係我最鐘意嘅卜卜脆。豬肉好淋，滿滿啲肉香味。配一碟醬汁，有黃芥末和柚子胡椒啲香味，開胃又醒胃。另一份主食蒜片紅椒蟹肉扁意粉：擺盤好靚，好上鏡。材料好豐富，係我鐘意嘅辣度，加埋意粉彈牙有嚼勁。我都可以食晒成份意粉。小食嗌燒茄子和燒雞翼。師傅手藝好，雞翼咬一啖，裡面油汁即刻流出來，表皮反而焦焦哋，好吃。