炯記餐室 (美麗閣)

營業中

休息中

最近我偶然間發現咗北角有一間好好食嘅燒味鋪，叫做「烔記燒味」。燒味對我嚟講好似comfort food，耐唔耐就想食下。呢間餐廳，真係有驚喜！佢哋嘅燒味有多款選擇，有叉燒、燒腩仔、油雞、切雞之外，仲有啲秘製嘅煙燻燒鵝同埋手撕雞，非一般燒味店。我一定要推薦佢哋嘅「秘製煙燻燒鵝配鵝油撈麵」！靜靜話你知加埋$12就可以換晒鵝胸肉呀！入口一啖啖肉，外皮烤得又脆又香，仲帶啲微微嘅煙燻香味，真係好有水準。唔止咁，佢哋嘅鵝油撈麵真係無得頂！用粗麵煮嘅麵條，油香味濃郁，咬落去又滑又有彈牙。仲要話份量超足，滿滿一大碗，絕對係抵食又好食！燒味配瀨粉亦相當唔錯，湯底冇味精。瀨粉滑嘟嘟，少許煙靭，唔會一夾就斷晒。介紹完燒味，我仲要推薦佢哋嘅手撕雞配腸粉。手撕雞有鹽焗或者麻辣口味，雞肉好滑好嫩，有啲麻油嘅香味。腸粉熱辣辣，上面仲有粒粒芝麻，加埋甜醬同麻醬，新奇嘅配搭，拼出好滋味！我見到隔離枱有個聽力唔係太好嘅婆婆，店員好有耐性地同婆婆溝通，確保婆婆叫到佢想點嘅食物，服務態度好好。