WOFT (已結業)

今次介紹依間《WOFT》位於旺角染布街嘅西餐廳，入面亦都坐滿哂人飲酒同埋食飯，氣氛都幾chill。我哋坐係一個半開放式對住馬路嘅一個位置都幾chill. 黑松露芝士火鍋 $228作為芝士愛好者嘅我，一聽到有芝士火鍋就好想試下。火鍋下面有燃料一直燒住，等一陣就聞到好濃郁嘅黑松露味，可以見到一粒粒黑松露係個芝士火鍋入邊，都幾足料。配料有西蘭花、薯仔、長通粉、麵包。個人最鍾意嘅係麵包，一放入火鍋度已經可以吸收晒黑松露芝士嘅味道，好邪惡。食咩都點一點芝士好好味忌廉菠菜煙三文魚水牛芝士墨汁Pizza $152 10 inch見到墨黑色嘅pizza皮真係幾特別，外皮都烤得幾香脆。上面放左煙三文魚、水牛芝士、火箭菜。水牛芝士烤到熱熔狀態，拉出黎有長長嘅拉絲，同煙三文魚都幾夾。上面嘅煙三文魚都好多。脆焗棉花糖榛子朱古力夾心批 $56依款甜品基本上係必要之一，上面嘅焗棉花糖係新鮮烤焗，咬開嘅時候就會見到長長嘅拉絲，煙煙韌韌。棉花糖下邊就係榛子朱古力醬，最正宗嘅食法就係將棉花糖同埋榛子醬一齊放入兩塊餅乾入邊，咁樣就口感更加有層次。非常之好味呀🥰🥰🥰