奧壽司

營業中

休息中

今日放假，老婆話想去一個未去過嘅地方，於是我就帶咗佢去數碼港感受下陽光與海灘，香港南區嘅風味，行咗一個上晝之後已經同老婆感到肚餓極了，於是我哋就去咗位於數碼港裏面這一間日本餐廳，因為我哋喺門口見到比較多人食所以我哋就選擇咗佢，我哋行咗一步如果唔係，只係遲五分鐘，就開始排長龍啦！真係好彩啦 入到去已經見過一條勁大條嘅吞拿魚放咗喺枱面 原來佢下午一點鐘有切吞拿魚嘅場面畀我哋睇，我都係第一次睇人劏吞拿魚睇咗一陣我哋就梗係叫嘢食啦！既然佢即時有新鮮吞拿魚 梗係唔好放過我叫咗個，吞拿魚四食嘅刺身飯，吞拿魚四食有吞拿魚嘅背部，仲有香港人俗稱嘅拖羅另外有半吞拿魚腩，仲有吞拿魚碎，上面仲有少量，非常新鮮美味嘅海膽食刺身飯仲要配上沙律 非常好，沙律同出面餐廳有少少唔同，佢嘅沙律放咗粟米片，令到個口感好特別好好食 重點個刺身飯吞拿魚背部新鮮到入口即溶非常好食，拖羅嘅鮮味難以形容好食到不得了但師傅話 如果拖囉過多兩日仲好食，大家唔好諗住好貴呢個刺身飯只不過都係百零蚊我覺得簡直係抵食到不得了