影片
更多
2016-05-04
1650 瀏覽
今晚一行六人去屯門美心皇宮晚餐, 訂了位, 因有一個bb(不包括在六人內), 原本的六人枱有點太細, 同男經理反映, 他大大聲咁強調我們是七人不是六人, 有點不太禮貌的, 幫我們換了張八人枱。(中途有碟菜送錯過來, 我家人好心叫經理來提示他是送錯, 我們沒動過那碟菜, 我見到經理沒一聲道謝, 無聲的收走那碟菜, 真不禮貌, 反而其他女職員較好)上湯焗龍蝦伊麵 - 個麵索晒d 龍蝦汁, 勁鮮同好味, 非常正! 龍蝦肉亦好新鮮爽口!金磚翡翠豆腐 - 呢個又係好正, 外面脆脆地香口, 裡面好juicy喎, 你估唔到佢有d 好似海鮮咁既料, 令佢有d 海鮮味!雲耳小瓜炒龍躉球 - 翠肉瓜爽口, 龍躉球好嫩滑, 唔錯!姬松茸花膠燉水鴨 - 個湯煲得好夠味, 足料, 火喉夠, 我果碗有大大舊花膠, 好補呀!仲有成隻水鴨畢起可以食埋, 家人話有野味風味, 同其他鴨唔同!蟲草花蒸龍躉頭腩 - 龍躉嫩滑得來又有d 膠質咁, 真係貴得有道理! 底下d 粉底同蟲草都幾好食, 唔會太油膩!蠔皇鮑螺片 - 呢個菜式較為普通, 我對佢無特別興趣, 但佢既蠔油唔會落太多太咸, 個味調得岩岩好, 都唔錯!肉崧蒜子浸時
(中途有碟菜送錯過來, 我家人好心叫經理來提示他是送錯, 我們沒動過那碟菜, 我見到經理沒一聲道謝, 無聲的收走那碟菜, 真不禮貌, 反而其他女職員較好)
上湯焗龍蝦伊麵 - 個麵索晒d 龍蝦汁, 勁鮮同好味, 非常正! 龍蝦肉亦好新鮮爽口!
金磚翡翠豆腐 - 呢個又係好正, 外面脆脆地香口, 裡面好juicy喎, 你估唔到佢有d 好似海鮮咁既料, 令佢有d 海鮮味!
雲耳小瓜炒龍躉球 - 翠肉瓜爽口, 龍躉球好嫩滑, 唔錯!
姬松茸花膠燉水鴨 - 個湯煲得好夠味, 足料, 火喉夠, 我果碗有大大舊花膠, 好補呀!
仲有成隻水鴨畢起可以食埋, 家人話有野味風味, 同其他鴨唔同!
蟲草花蒸龍躉頭腩 - 龍躉嫩滑得來又有d 膠質咁, 真係貴得有道理! 底下d 粉底同蟲草都幾好食, 唔會太油膩!
蠔皇鮑螺片 - 呢個菜式較為普通, 我對佢無特別興趣, 但佢既蠔油唔會落太多太咸, 個味調得岩岩好, 都唔錯!
肉崧蒜子浸時蔬 - 用左貴妃苗做時蔬, 大大碟, 上菜時有幾個話唔係好食呢隻菜, 因為有青草味, 但食落又唔錯喎, 通常用佢黎做沙律, 煮熟左原來比較易入口, 加上肉鬆半肥瘦, 肉好香甜, 連帶個湯底都甜, 我飲埋d 湯!
蔥花豉油雞 半隻 - 到此我已經好飽, 肚容量有限, 如果比我揀食肉定食菜, 我會食上面個菜多, 呢個雞家人話好有雞味好正, 我食左一舊都幾滑!
到最後侍應拎出我們自備的蛋糕, 幫手點爉燭, 同埋分蛋糕, 又祝我家人生日快樂, 呢$50 切餅費抵比啦!
甜品有喳咋, 幾香濃, 好多不同豆煮得好淋, 又有椰汁味, 可惜我們太飽食唔晒!
6個人食了10個菜式, 每人$200(有信用咭優惠), 十分抵食! 勁豐富! 食物又有質素!真係超正呢!
最欣賞d 野食唔會太油膩太咸, 個味較到岩岩好, 有d 家常菜味道, 令我地一家人食得好開心好滿足!
張貼
