美心皇宮 (屯門大會堂)

營業中

休息中

每个菜都好吃炸腐衣卷 🔥软肋q弹的腐竹皮包裹着各种菜丝，不仅每一口都裹满了浓郁粘稠的酱汁儿，而且将豆香肉香清香都融在一起🌪️，口感味道都很有层次流沙奶黄包 超满的奶黄馅咬下去在口中瞬间爆浆，🌋一股热流的嘴里激荡，甜蜜的奶香味中带点咸蛋黄味，整体不是特别腻♨️品种很多很多，感觉蛮地道的，不错

今日同屋企人去打邊爐，d嘢食已經等得好耐，嘢食黎到，佢既招牌蝦滑同墨魚滑係有陣霉味完全食五到，再食花膠仔一咬竟然有異物係入面，同經理投訴完都好似無乜回應，所以無下次

本人叫了一個荷葉飯，一眼望落去已經比之前的細了，心諗都算數了，食落口荷葉飯質素真差又硬，個荷葉飯底層的飯還似飯焦咁超硬，我無諗過荷葉飯是這樣的，之後同經理講咗佢話可以換另一樣，我就換了新出的鮮肉臘味飯，臘味飯來到我一食就更加失望都是硬飯，本人對屯門美心出品的食品非常失望。

其實對美心集團嘅茶樓都唔係特別有好感,除非係包房！今日得我一個人,因為一陣要睇表演就唔想行咁遠,直接喺大會堂旁邊嘅美心皇宮食晚飯就算喇. 知客態度麻麻,一啲笑容都冇😥問咗我要咩茶交帶完就行咗去. 之後我想點餐,又唔見有侍應😅最後點咗一客南瓜煮飽魚,一客油鹽水浸菜心. 兩味菜都唔錯,味道剛剛好. 南瓜軟滑,鮑魚鮮嫩. 油鹽水浸菜心, 菜心好甜,煮得剛剛好👍

價值觀是最好的評論。這家餐廳的價格合理，提供大量食物，但品質確實有所打折扣，這點是可以理解的。與同級餐廳相比，市場領先品牌並未真正投入心力。同級餐廳通常會更關注食物的溫度，確保大部分菜品都是溫熱的，而這家餐廳在這方面似乎有所不足。然而，值得一提的是，這家餐廳的規模較大，即使在繁忙的時候，你也不必等待太久，這是一個明顯的優點。對於那些不喜歡長時間等候的顧客來說，這無疑是一個吸引人的特點。在整體用餐體驗中，除了食物品質和溫度方面的一些不足之處外，服務態度和環境也是重要的因素。儘管食物可能不盡如人意，但友好且高效率的服務可以為整個用餐體驗增色不少。此外，舒適的用餐環境和快速入座也為顧客帶來便利。總的來說，這家餐廳提供了價格優惠的大量食物，並擁有便利的用餐環境，但在食物品質和溫度方面可能需要更多關注和改進。希望餐廳可以在保持競爭力的同時，提高食物品質，讓顧客能夠享受更完美的用餐體驗。

Book左9月7號食爸爸生日晚飯…服務態度真心差，差到不能形容🤬話說食左個片皮鴨，其中一名職員叫我地試唔試用埋個鴨殼炒番一味餸，我地話OK…點知食埋甜品都未有呢味餸，真係不知所謂。呢個都唔係重點，重點係服務態度真係好差…完全唔顧及客人既感受…收碗碟期間，d碟有d汁..之後大大力碟與碟咁叠起，d汁飛到我地d衫…仲有買左個東x堂既蛋糕，叫左五次d職員話上個蛋糕…上黎上去剩係上d碟俾我地，最後叫左第六次先俾個蛋糕我地…以後絕對唔會再幫襯🤬

平時成日搵平靚正嘅午餐，間中都會同同事去飲吓茶嘅🤭今次就去大會堂美心，只要12點嚟到基本上都唔使等位👍🏻其實點心我覺得都仲係keep到水準好食嘅，不過價錢就唔算平。如果呢個價錢係中環，都可以食到啲環境再好啲嘅。不過仲有推點心車既茶樓真係唔多，所以我覺得都值得黎😆😆❣️個人推介❣️炸紫菜蝦卷蒸牛肉燒賣蒸沙嗲魷魚蝦餃炸魷魚鬚楊枝甘露豆腐花

行完市廣場，去酒樓食個晚飯。今晚叫咗個海鮮自選餐（B) $598:套餐包括（1）上湯加拿大龍蝦配伊麵：有一隻龍蝦份量，一開六，啖啖肉，伊麵軟硬適中，可以掛上上湯。（2）4選1:貴妃雞（半隻）、豉油雞（半隻）、燒雞（半隻）和燒味雙拼揀咗叉燒拼燒腩，叉燒正常，燒腩皮唔脆。（3）點選2款小菜：揀咗一清一濃的：豉汁帶子蒸豆腐：豆腐嫩滑，帶子算大粒，分別食到豆豉味、帶子味和豆腐味😅魚香茄子煲：沒有鹹魚香，是油泡茄子，再配上肉碎。另外點了川芎白芷魚頭鍋＄198：煎香半邊大魚頭，配上紅棗、川芎、當歸、白芷、薑等，是喜歡的藥材味，湯頭入口微苦，帶煎過的魚油香，加入豆腐卜和魚麵吸收湯汁，魚麵彈牙，沒有腥味，亦沒有很重的胡椒粉味，不錯。

睇食評就睇得多，寫食評都係第1次，係忍唔住，因為。前身是海霸酒樓晚巿食過好多次，轉了美心皇宮後，是第一次光顧晚巿，還要是長輩的壽宴。有屏風間房夠闊落，侍應服務都殷勤。第一道菜乳豬，咩料，隻乳豬無肉嘅，基本上件件都是肥膏。之後芝士焗澳洲龍蝦，龍蝦不是炒完再焗的，食落明顯係用水烚熟的。再到彩鳳帶子，帶子甜豆，味道都是清淡的，都唔緊要啦，當去一去剛才乳豬的油膩吧！下一道瑤柱扒雙蔬，娃娃菜墊底，配上草菇淋上瑤柱。再嚟下一個高湯雞蓉燴官燕，呢個我完全唔識點形容，fusion 嘢，但唔係幾好食。鮑魚扣花菰，食材同個芡汁都係無味，開始覺得自己食緊d乜，連生菜都唔想夾。蒸石斑，雞，荷葉飯都唔洗講。到最後生日宴必備的壽包，芝麻小湯圓紅豆沙，應該都好難難食呱，sorry，我錯了。壽包個餡，究竟係咪蓮蓉呢？好似係麻蓉咁嘅，但味道口感都怪怪地，紅豆沙係唔起沙嘅，湯圓又係無乜味，係咬開粒湯圓見到係黑色，估到係芝麻湯圓。成晚都唔知食左乜，咁就盛惠$6288，仲要係3圍年年都係係屯門擺生日宴，係估唔到今次中伏。一心諗住地點方便，又係大品牌，點都有保證啦，咁就中伏了

叫左個晚市二人餐，近600蚊，俾左我三個青菜，白菜，菜心，同埋芥菜⋯肉就得個芒果蝦，同埋幾塊叉燒，兩個鵝掌，兩個鮑魚仔。最後上左個咖啡糕，似係超市買果隻⋯真心唔值，態度又一般，上菜唔算快，稻香好好多（除左環境無美心咁好

通常一家人諗唔到去邊到食晚飯，就會去美心酒樓，今日有意外收穫，下次又多一個餸可以叫啦!🥢魚香茄子煲熱辣辣，又夠獲氣，惹味送飯之選!🥢蝦籽琵琶豆腐第一次食呢個餸，竟然有意外驚喜! 個琵琶豆腐炸得好好食, 配埋蝦籽味道一流，比起平時食既普通琵琶豆腐更香，唯一缺點就係個餸只有微暖，如果熱食就好啦!🥢鮮檸煎軟雞炸雞好脆，雞皮又香，但係就唔夠酸，唔夠檸檬味!🥢蒜蓉炒芥蘭呢個炒菜好伏，下次真係唔好叫炒菜，寧願叫雜菜煲好過啦~

拎左網上輪候票後 這間酒樓經常性5分鐘內叫20至30個，令客人需要重新再排過，這門口員工服務態度極差，建議酒樓換門口員工，及重新檢討叫票機制及速度 。 食物還可以吧。

依家美心就有細食到大，睇住佢越嚟越差。管理極之有問題。先講入座，永遠都係熟客仔入先。咁撳飛嚟做咩？估唔到連連鎖大集團都做啲咁屋村模式嘅管理。唔係熟客仔，永遠都係坐廁所位，門口位。跟住隔離啲空枱就留返比之後熟客仔嚟。大家都俾一樣茶錢 ，點解會有咁嘅差別待遇？再講嘢食。今日星期六去食等咗半個鐘先有一個灌湯餃上台。另外三個點未到。個六十蚊嘅灌湯餃，隻餃子細到不得了。入邊又冇料。個湯得幾條蟲草花。另外個百花蝦。三粒大小都唔同。收人四十幾。冇下次。byebye!

第一次食美心皇宮，唔使等位，不過都正常位置覺得唔錯，幾乾淨企理光猛，整體環境中上食物方面覺得中等，叫咗腸粉燒賣之類嘅點心，呢啲都唔錯，燒賣比較肥膩，中間有啲肥肉，不過都可以，腸粉都可以，唔算好多餡料，不過都有少少帶子，還可以。最令我震驚係明蝦角，嗰隻蝦國本身冇乜問題，裏面都有好多蝦，都算爽口，但係最恐怖嘅事出現啦，成隻蝦覺係冰凍到爆炸，好似食緊隔夜餸咁，真係唔知點講好，叫佢換過，估計都冇乜幫助，所以我冇叫佢換。最怕佢拎啲舊嘢去返炸，唔想食到生癌，所以我冇叫佢換，呢樣嘢本身就唔應該上枱。其他嘢都中等啦，不過算啦，估計都唔會再去

今晚同屋企人食飯，選咗578蚊嘅四人餐，其他唔講，單一個片鴨肉（好肥架）再加埋一個蔥薑爆鴨件，應該係片咗肉之後啲鴨骨再炒⋯真係為湊數，如果加一個湯再加一百蚊⋯加埋服務費茶位費三個人八百幾蚊⋯⋯真係好多謝美心啊，越嚟越差，唔想再幫襯