Burgeroom (Fashion Walk)

營業中

休息中

其實我本身麻麻地食漢堡同薯條，朋友話帶我去食就去試一試啦，去到銅鑼灣既Festival Street感覺好外國化，有露天卡座，有店內雅座，我地選左店內靜靜地位置。高高的大烤菇鱈魚漢堡放係眼前，一啖咬落去醬汁豐富，鱈魚柳香脆，魚味十足，大烤菇烤得剛剛好富有濃濃菇汁，配上幾片生菜添上層層不同口感，鱈魚柳亦絕不偷工減料，厚厚的2塊可以用刀叉切開o黎食，亦可以配其他食物既醬汁，非常好味。軟殼蟹漢堡份量十足，足足有一隻完整軟殼蟹，咬落去香酥脆口，啖啖軟殼蟹並唔係只得粉漿，仲有蕃茄生菜中和油膩感覺。鵝肝牛肉漢堡有2片大大片鵝肝，再配有差唔多1寸厚既漢堡，一啖咬落去鵝肝甘香，漢堡Juicy，滿口既牛肉香鵝肝香留o係口中久久唔散，食過翻尋味，讚。田園沙律滿滿一大碟，沙律菜非常新鮮脆口，再配上黑醋、醬汁，清一清漢堡既油膩感，廚師貼心的將3塊蕃茄去皮，細心既服務值得加許。黑松露芝士薯條份量足，一份足夠2個人食，濃濃既黑松露芝士醬配粗粗既薯條口感唔錯，黑松露味道突出，非常好食。最後配一杯1664啤酒，人生一大享受，從此對漢堡改觀。