潮食地 (已結業)

早幾日做完嘢經過荔枝角，買兩份外賣午餐。呢間餐廳set lunch定期轉款，仲包埋熱飲同餐湯。佢哋嘅奶茶茶底好香，好啱我口味。🍽百里香紅酒洋蔥牛柳粒$64牛柳粒軟腍又入味，份量十分多。醬汁香甜，有少量蔬菜，亦有番茄酸味，味道十分開胃，撈飯/撈意粉都好合適。🍽法式寶雲酥焗雞扒$65厚厚嘅雞扒表面有芥末同麵包糠，多咗開胃又唔刺激嘅酸味。雞扒嫩滑又多汁。佢哋嘅薯菜都好有驚喜，係焗過嘅紅蘿蔔🥕、番薯🍠、薯仔🥔。