日常素食 (已結業)

最近聽同事講，食太多肉會令人特別攰，因為消化肉類係會用多啲能量。今晚去黃大仙嘅一間素食自助餐，順便同一個食素嘅朋友聚一聚。位於商場頂樓，地方寬敞，夜晚比較靜，啱晒同朋友傾計。食物種類亦都多樣化，有素刺身，中式冷盤，沙律，咖喱角等炸物。自助餐有非常多嘅熱食餸菜，炒飯比較清，炒麵惹味。我好鍾意食豆腐，亦都欣賞佢哋嘅炸豆腐，香口結實，但唔油膩。香濃嘅羅漢齋，鹹香嘅欖菜四季豆同咖喱薯仔，都非常適合餸炒飯。今晚試咗清涼香甜嘅腐竹糖水，同埋清熱解毒嘅羅漢果茶。我哋試咗唔少養身嘅糕點，紅棗糕，薑汁糕，桂花糕。最後以豆腐雪糕作甜品。今晚嘅素食自助餐十分豐富，吸收我哋都需要嘅蔬菜纖維，非常滿足健康嘅一晚。