八月茶室 (南豐中心)

營業中

休息中

約咗朋友放工後見面，見呢間茶餐廳裝修新淨光猛，食物款式又多元，於是決定喺呢度食晚飯，叫咗以下食物:招牌酸菜魚 - 酸菜魚味道有酸有辣有麻，但又不會過辣，魚片份量不少，再配上酸菜、芽菜及寬粉，索晒啲湯汁，真係美味又豐富。椒鹽鮮魷 - 鮮魷香脆惹味。梅菜馬蹄蒸肉餅 - 肉餅唔會死實實同粗嚡，加上馬蹄更清新爽口，梅菜能調出豬肉鮮味，很不錯。鐵板銀芽肉絲炒麵 - 炒麵炸得香脆，加埋適量嘅肉絲及醬汁，食極都唔會厭。炸小饅頭 - 很少見到茶餐廳有炸饅頭，饅頭炸得外表香脆唔油膩，點埋煉奶簡直一絕。蒜蓉炒菜心 - 蒜蓉香口惹味，菜心又嫩又甜，好味。龍鳳七喜、龍鳳可樂 - 龍鳳即係檸檬加上咸檸檬，飲落更有層次及下火。