潮．悅 (始創中心)

營業中

休息中

晚上去咗太子始創中心公司聚餐，已預先訂咗幾圍圍菜，酒樓喺始創中心4樓，搭𨋢上到去裝修都幾新，好光猛，人齊就開餐。鴻運乳豬全體，皮都脆但有少少豬酥味。上湯西澳龍蝦伊麵，龍蝦好新鮮彈牙，味道唔咸，伊麵都ok。碧綠花姿蚌片，西蘭花爽脆，花姿蚌片彈牙。脆炸鳳尾蝦多士，炸得脆唔油膩，蝦膠比較淡口。姬松茸螺頭燉雞湯，所有材料味道入晒湯中，濃郁好飲，有少少油。清蒸大沙巴龍躉，新鮮火喉啱啱好，魚嫩滑，豉油調味合適。當紅脆皮燒雞，其實係炸雞，有少少過火，都唔錯。菜同炒飯正常都好食。