小明珠 (已搬遷) 新店位置

今晚路經觀塘，發現有間新開餐廳。見到裡面都幾寬敞，燈光火猛。而且門口有餐牌，睇完就決定入去試吓自家三杯雞，一打開煲蓋超香，好想即刻食。一食落口，好正，雞肉嫩滑，唔鞋口。而且個汁好野味。有乾蔥，五層答，彊。芥末蝦球，芥末醬第一啖食落口有少少供鼻。但再食第二啖，你會愛上佢，因為脆皮薄，蝦肉有彈牙感覺，好足料。招牌柚子黃花魚，係我今晚最鐘意嘅一道餸。酸汁好開胃，加上用咗新鮮柚子，整條魚好有fresh感覺。魚骨炸到好脆，骨都可以食埋。今日因為只有2個人，所以叫唔到好多嘢食。因為有太多嘢想食了，下次要叫多d人一齊食先得。