海東軒

營業中

休息中

同家人食飯，都會去呢間屬於我地半個飯堂既小菜館，因為佢既菜式多同最重要夠鑊氣！脆皮德國咸豬手：超大份量，豬手夠多肉，咸味夠，但唔算脆皮，有d失色，配有芥末醬！果皮蒸鮑魚：鮑魚蒸得岩岩好，容易離殻，果皮蒸得夠火喉，辟走泥味，令鮑魚更鮮，肉質更彈牙！沙姜雞腳：沙薑可以再多d，味道唔夠濃！雞腳質感唔夠林！啫啫雞煲：味道調較得好，汁亦較多，伴有小熱鍋上台！雞件肉質都幾滑！姜蔥炒蟹，西蘭花帶子，椒鹽鮮魷，菠蘿咕嚕肉，蒸魚～海鮮新鮮，魚蒸得岩岩好，唔會令魚既肉質太老，鮮魷夠脆，外脆內熱！咕嚕肉酸甜得宜！