村上居酒屋 (已結業)

同朋友行開旺角，經過一間居酒屋，又到食飯時間，所以決定去試下。居酒屋隣近朗豪坊，由旺角地鐵站出發大概5分鐘到。裝修時尚，座位舒適。加上開放式廚房。打開餐牌，菜式選擇多，包括刺身、爐端燒、丼飯、鍋物、拉麵等，仲有套餐。仲有其他優惠。銀鱈魚西京燒，銀鱈魚表面金黃， 魚肉帶甘甜味，配白飯一流，套餐仲配上三文魚、麵豉湯及新鮮沙律菜。村上壽司定食，魚生非常新鮮，而且非常厚身，盡顯師傅刀工，魚生肉質結實，帶子鮮甜，尤其以肥美嘅海膽最為出色，套餐包括沙律菜及麵豉湯外，仲有烏冬，烏冬彈牙。