川粵時光小廚

營業中

休息中

香港食到嘅川菜越嚟越出色，呢一間餐廳都唔例外，雖然冇豪華嘅裝潢，但座位闊落乾淨企理，重點係嘢食味道非常唔錯，絕對值得一個好評。其中有三款小菜超級值得推介，大家一定要黎試吓！尖椒炒雞柳🌶️🐥尖椒嘅份量非常多，炒起嚟非常惹味，但唔會令成碟餸泰勒；雞柳非常嫩滑，係有鑊氣嘅小菜。脆皮豬手🐷🍖不得不提呢度嘅脆皮豬手同出邊食到嘅好唔同，唔會炸得好乾身，保留到豬手嘅膠質，沾埋泰式甜辣將，減少油膩感，而且份量超級多，適合三至四人分享。金銀蛋桑葉🥬🍲平時食金銀蛋時蔬多數都係用小白菜等常見蔬菜，但呢度係用桑葉，喺出邊比較少食到，味道同莧菜相似，但係煮出嚟更加濃味，絕對係今晚之最！