Pudding (已結業)

去大坑食飯，行過見到Pudding望入去時見到好有cafe feel， open kitchen製作好吸引，決定轉頭食完晚飯去食甜品。 點知唔夠一小時後再去Pudding， 外面已經排長龍, 去排隊嘅人仲越來越多。 大概廿分鐘左右終於有位喇， 被安排坐高枱前面玻璃面向街外。 兩個人要咗一杯巴菲同一個朱古力慕思， 兩位㕑師忙到無停手，一時制巴菲一時揸火鎗做甜品， 坐喺度睇好似睇緊烹任節目咁。 經五、六分鐘，即送上我嘅order， 都算快。朱古力慕思-呈淺啡色食落幾重牛奶味，可能剛從雪櫃攞出有D實淨， 㗳落都幾滑。栗子巴菲-造型好精緻有我最愛嘅原粒栗子同栗子蓉，有軟雪糕又有脆脆， 非常豐富一大杯兩個人食最好。由於外面人太多望出去有啲壓力，拿拿林食完就走Lu。