巴里島沙嗲Q (已結業)

前幾日掃街，經過呢間好得意既串燒鋪。裡面D員工好熱情，係咁叫我試下杯珍多冰，仲話呢頭出曬名。結果我就同個朋友試左杯牛油果同班蘭珍多冰。杯牛油果其實比起出面D 舖頭係落足曬料！而珍多冰真係名符其實，真係好有班蘭味。我地仲食左兩豬、兩雞肉串，特別推介雞肉串，配左舖頭內沙爹醬真係好好味。而沙爹醬係老闆自己親自係巴里島同人學番黎，第度真係食唔到呢隻味！呢D 串燒真係真材實料，買少見少。其實買一樽沙爹醬番去配飯都係唔錯選擇。