巴里島沙嗲Q (已結業)

講起沙嗲串，大部人都會泰國，越南，今日黎到葵涌廣場，竟然比我意外發現有串燒賣第一次食，買一串豬試下，點知勁驚喜！好香，好有風味！之後我又買埋雞串，太心急食左，冇影相服務裝修一般，價錢可以，$12一串，抵！最緊要好食～

Went here again because of the pandan gelato.The pandan taste was spot on but the texture was not on!Although it tasted great, the texture was horrible because it was powdery and crumbly which made it very expensive for $35.I think the fault lies in the cream they used as I have made easy icecream before where you just blend the flavour and whipping cream.The icecream I made had the exact horrible texture as this one owing to the cheap crappy cream which ruined everything. 

初時開好好食成日幫襯等好耐都值得直到老闆娘唔再坐陣串燒質素就愈來愈差了之後無再食直到今日諗住再試返加左價亦無左以前個種好重花生味好好食既味道整體死鹹左好似無左個靈魂咁：(依家食就覺得呢個質素唔再值呢個價了

啲汁係幾香，不過我唔係即食，係拎到番屋企先食，嗌左多飯都好似冇多到，而且有半盒飯係浸住啲汁，搞到啲飯淋晒一patpat咁，好影響食物質素。我覺得係咪應該考慮唔同顧客需要畢竟唔係個個都即刻現場食,講真睇見啲飯一patpat都唔開胃。另外我唔明點解買2串串燒冇盒要4串先有盒， 咁如果唔係即刻食係咪即係要徒手拎住兩支串燒搭巴士或者搭地鐵返屋企食🙄🙄 問個短髮店員又唔應我，好似局人買4支咁🤔🤔🤔🤔🤔

上次試吃手撕雞蕎麥麵時，筆者留意到旁邊的「Satay Q」，被店面招牌上的巨型串燒所吸引。今天決定來覓食一番。店面的佈置甚有異國風情～套餐有飯有麵，任君選擇。筆者今次就試了E餐的沙嗲麵，配以雞肉串燒。等侯期間，筆者看了貼在店面的雜誌報導。原來情侶檔店主在峇里島吃過一試難忘的串燒，特地再回去拜師學藝，繼而在此開店。可見店主誠意十足呢～食物份量適中。雖然賣相普通，但以味道取勝。沙嗲醬是此店的招牌，配以麵條吃下去有一絲絲的椰香味，同時伴有花生碎。甜甜的沙嗲香令人食慾大增。更重要的是，吃罷沙嗲醬也不會令人感到非常口喝。雞肉串燒也很惹味～雞肉肉質頗嫩滑，再加以沙嗲醬，完美配搭（筆者同行的友人分別試吃了豬肉和牛肉串燒，表示豬牛的肉質有少許過韌。）最近在葵涌廣場大多都是吃四川小食，難得今天試了峇里沙嗲，大感新鮮呢～

前幾日掃街，經過呢間好得意既串燒鋪。裡面D員工好熱情，係咁叫我試下杯珍多冰，仲話呢頭出曬名。結果我就同個朋友試左杯牛油果同班蘭珍多冰。杯牛油果其實比起出面D 舖頭係落足曬料！而珍多冰真係名符其實，真係好有班蘭味。我地仲食左兩豬、兩雞肉串，特別推介雞肉串，配左舖頭內沙爹醬真係好好味。而沙爹醬係老闆自己親自係巴里島同人學番黎，第度真係食唔到呢隻味！呢D 串燒真係真材實料，買少見少。其實買一樽沙爹醬番去配飯都係唔錯選擇。

🔹牛($15/1串)🔹雞、豬($22/2串)牛有牛味，但略嫌乾身，有啲鞋。雞、豬表現較牛佳，表層有炭烤的痕跡，一啖咬落去，都算嫩滑。-🔻重點：沙嗲醬‼️誠意之作‼️店員係加醬之前會問你要不要辣，而小妹喜甜，所以走辣。-如何鑒定沙嗲醬的好壞👍🏻👎🏻？👍🏻好的沙嗲醬✔帶給你複雜且有層次的味蕾你可以品嚐到椰香🥥以及各種香料🤪而余香環繞，久久不散🤤✔花生碎🥜❌重味精，令人狂喝水———————————————ByZ:7/10

之前喺葵涌廣場食開嘅都係劣食。但係唯獨呢間沙嗲小食深深吸引住我。食完心諗葵涌廣場終於有一間正嘢食。簡單叫咗個豬肉同雞肉沙嗲串燒另外加兩隻巴里秘製醬汁燒雞翼($15,2隻)。呢種味道嘅沙爹只會喺巴里或者泰國先食到😍😍真係好好食到忍唔住要即刻食晒佢而完全冇諗過要影相。雞翼醬汁都好好食到好想再encore。食完已經諗好下次帶埋男朋友去葵廣一齊再食。

週末去到葵涌廣場行左陣街，當然少不了要掃埋街，食完元朗鬼巴士之後都係口痕又想食多啲野，見到隔離再隔離有一間叫SATAY Q嘅賣沙嗲串燒店舖，就被佢店面嘅設計同串燒吸引左。我同朋友叫左一串雞($12)、一串牛($15)、一串龍躉魚蛋($10)、一串鰻魚($17)同一杯斑蘭珍多冰($20)，本身其實只係叫左兩串野，點知食食下又再加野食又叫埋飲品加加埋埋就食左咁多野。雞肉串我認為整體不過不失，無乜特別但又有正常水準。牛肉本身個味係幾鮮，食落覺得係幾和味同juicy，不過可能咁岩食到去啲筋位，比較難咬。至於龍躉魚蛋又幾高質👍🏼，估佢唔到。係咪真係龍躉我就食唔出，但係啲魚蛋嘅"魚"味好真，朋友一食都話覺得個味道好鮮，如果可以再彈牙啲就更加好，味道取勝！至於饅魚又係幾好味，都算厚身，有口感，不過本身饅魚入貨都貴，所以$17就只有3舊，唔夠喉!如果有多兩舊就更加好喇哈哈! 每款串燒我地都加左沙嗲醬，叫左小辣，個沙嗲嘅味道同我地食開嘅私確有唔同，平時果啲通常帶啲微甜，但依個係沙嗲加微辣，如果唔食得辣嘅人可以走辣，另外建議食魚蛋都走辣，更加食到個原味!最後辣得濟叫左杯斑蘭珍多冰，我覺得真係飲到入面有斑蘭

期待已久的東方快車謀殺案終於上畫，星期五晚近近地去葵芳觀賞，近水樓台，當然少不免要去葵廣掃街。電影放映時間落在尷尬的七時半，時間關係吃不完我想吃的，不過試了三間不同的食店都無伏，大喜！雞肉/豬肉串燒 $10/1、$18/2要數最有驚喜一定是這家主打峇里風情的串燒，門面和食物不算特別吸引，如非在飲食雜誌看過也未必會光顧。串燒肉醃得入味，燒到有點焦香但肉汁仍能保持在內，加上面頭甜甜的花生沙嗲醬同油蔥酥，實屬心機之作，可以回頭。

某日收工後，食完飯，但發現唔多夠飽，於是坐車過黎葵廣搵下有咩食，原本見咁晏，都冇乜期望，原來喺食店都收得幾夜。食左新嘅甜品店同小食之後，難免要搵野飲，近近地揀左呢間巴里島沙嗲Q，我記得佢呢個位上手都係飲品店。冇詳細睇佢有咩飲品供應，只係見到幾亮眼嘅班蘭珍多冰，就求其買杯試試，都係為左解渴。班蘭珍多冰 $18飲品都幾大杯，面層係淡淡地嘅綠色混合白色，底層因為有啲珍多條，所以係青綠色，比起成個葵廣嘅飲品店，外形上確係冇咁吸引。用椰奶椰漿製成，加左啲班蘭汁(?)、而珍多條係用班蘭葉製成。飲落都係椰汁味，但椰味唔係太重，你問我係咪班蘭味我都答唔到，實情我只係喺香港食過一次以班蘭製作而成嘅甜品，唔知道何為正宗。勝在飲落啊係太甜，裡面嘅珍多條比較幼身，口感似椰果，少少Q彈，但冇咩味。飲品冰感重，唔係打到完全碎哂果隻。飲完都算解渴。

I was in KF for a food crawl.This was not on my list to eat but noticed it because of the big satay which looks cool but also looks like turd to othe some people!!!Got the Es dawet which was mainly flavoured by the coconut sugar.The taste was very coconutty and it was not too sweet because I asked for less sugar not for health reasons but I just don't like drinks that are cloyingly sweet.The green pieces were soft but couldn't quite taste anything.

Who doesn’t like satay?  They're crispy, juicy, and sweet. I felt like I was in Bali. They are using the real Balinese ingredients, seasoned and grilled, their modesty hidden from view by a gorgeous glazed crust. Their peanut sauce is unforgettable. They can be a luxury item, but they choose to sell it only $9/pc. Their pandan cendol is the best in Hong Kong. They are using real coconut milk, pandan, and palm sugar. 

早兩日行過葵涌廣場，見新開間巴里島風味沙嗲，未聽過乜嘢係巴里島風味？試新嘢原來都幾好味，個醬唔同街邊沙嗲，花生味唔太重（個人好怕嗰啲沙嗲醬，好似食花生醬咁），又唔油個醬並唔係推介重點，其實想分享係啲串燒係真係有肉味，所以好肯定係新鮮肉，無雪味，呢個先係驚喜位！（平時食啲多數係有雪味或者無味）佢哋仲有杯班蘭珍多冰，都想試吓，本來想試吓，不過都幾多人排隊，下次有機會再試！食緊嗰陣見到有班學生哥，大叫好好味呀，好搞笑！以為賣廣告；試完，可以推一吓！

沙嗲味道同香港食嘅有啲唔同。佢個汁一，堅有地道巴里風味，老闆樣都似東南亞裔，呢啲獨門汁醬無得輸！食落個汁濃帶少少甜，辛辣味除咗加辣粉關係，主要都係有大量乾蔥粒，帶一種raw raw地嘅辣，但又有沙嗲甜味吊返住，啱啱好。串燒肉嘅份量略嫌到喉唔到肺，個汁得，食吓食吓唔見肉食。個人認為飲品堅抵飲，個珍多冰唔會一舊舊粉,老闆仲話係用堅斑蘭葉整。幾有Heart嘅