川味雞烤魚大王 (隆亨商場) (已結業)

今日比湖南朋友拉咗去陪佢食重慶麻辣烤魚😋一直都以為夜晚先會去食呢啲烤魚，點知行過見到呢一個屋村嘅舖頭，居然有雞煲套餐同烤魚套餐可以選擇！價錢合理。唔係幾食得辣嘅我都覺得麻辣烤魚超香，真係一試就愛上，今日真正嘗試到麻辣的魅力，越食越停不了口。今次叫咗條海鱸魚，廚師予先在廚房幫我們烤熟咗條鱸魚先，再用烤盤送上，店員欏上嚟，一睇好大盤，賣相好靚，面頭鋪滿了很多辣椒同埋芫荽，同時聞到烤魚嘅獨特烤香味，裏面仲附送好多配菜：蘿蔔、大白菜、大豆芽、金針菇、酸菜等，湯底唔算鹹，食完無好口渴嘅情況另外，想稱讚一下店員服務態度非常之好，唔使叫，而係自動幫我們加了三次湯，好窩心。值得推薦！