雪糕達人 (已搬遷) 新店位置

行過見到一間人龍都幾長既雪糕店話有24隻味，勁多（＊￣︶￣＊）店員都幾nice，見我係咁試唔同味都滿臉笑容。我叫左13蚊筒裝大雙球雪糕，靜崗草莓，同蜜瓜味。個雪糕球都幾大，分量足，個雪糕筒係脆身餠乾，有咬口。靜崗草莓雪糕，顏色偏鮮粉紅，莓味道較天然，香甜幼滑，口感Creamy。蜜瓜味雪糕，唔多地方有，蜜瓜味香濃，奶味較重。雪糕整體緊實唔鬆散，食落好滿足！舖頭可以自行添加朱古力醬，士多啤梨醬，彩虹糖等配料，不過我冇加（＊￣︶￣＊）好少舖頭仔有咁平既價錢，食到質素唔錯既雪糕，想樣樣都食d朋友，下次可以試下10蚊4球、12蚊5球雪糕咁，會有驚喜！平民雪糕店，正！