犇道 (已搬遷) 新店位置

上網見到好多人推介牛牛牛開頭我都唔明佢地講咩，細心一問，原來係犇道，為食的我緊係要入屯門會一會d 慢煮牛啦！係門口已經見到有宣傳單張， 外賣有優惠，但估唔到堂食都有，竟然係送一客珍寶吉列大蝦。我和為食的仔仔叫了個二人餐， 選擇了以下食物:美式慢煮豬仔骨併牛肉腸配美國粗薯條 ～ 豬仔骨煮得夠哂淋，好易切開 牛肉腸好濃味，粗薯條點他們的沙律醬汁好美味。雪山牛丼～ 成幅畫咁靚， 砌到山上面用慢煮牛包圍住，旁邊超多蟹籽，山上有溫泉蛋， 佢個白汁係濃濃的芝士忌廉汁，要張一片牛拉下包住飯再點一下汁來食先夠正。慢煮牛肉沙律～ 個牛真係好滑配個新鮮沙律好fresh 可樂 跟餐的。除左二人餐我仲加左件牛肉薯餅，因我好鍾意食的入面好 creamy。甜品唔小得嘅，仔仔選擇了抹茶千層蛋糕，每一層都好薄好滑，我地一齊爭食。仔仔食完已經要求下次再來了。