兆和茶餐廳

營業中

休息中

呢日賣甩老公，同阿女去荃灣行街瘋狂買野，就黎新年要入好多貨，除左買新衫，仲要買海味年貨，好彩有阿女陪伴！買野前要醫肚，阿女帶我去食佢以前住荃灣時常去既飯堂，佢話呢度最吸引佢既係小菜套餐可以加錢轉菜飯，而菜飯同出面既唔同，呢度既菜飯入面仲有冬菇粒同蝦米，好有誠意，但呢日我地都唔太餓，所以叫左兩份簡單下午茶餐，無叫到飯，下次再試。我既豬扒包，豬仔包外脆內軟，暖暖的，查左牛油好香口，豬扒肉厚都幾大舊，有肉汁唔會乾爭爭，仲有爽脆既生菜同蕃茄，同埋沙律醬，酸酸甜甜，好味！