兆和茶餐廳

營業中

休息中

荃灣兆和街嘅餐廳舖其實轉手都轉得幾快，但兆和茶餐廳真係屹立不倒幾廿年。openrice寫收晚上11:45，但我嗰晚近晚上11:30到，到我哋食完走都仲有好多客。餐廳裝修好有懷舊感，特別係啲木卡位。平時一個餐大約六十蚊，晚上十點後會供應宵夜套餐，會平少少，即炒炒粉麵套餐都係$55。龍鬚炒烏冬喺其他茶餐廳比較少見到，即係🦑魷魚炒烏冬，即叫即炒，有大排檔嘅鑊氣，而且夠色夠味，微微辣，魷魚彈牙，係碟底多油少少。星洲粉米都好惹味。最正係加$4可以配紅豆冰或雜果冰🍒（凍飲都要加$3, 加多一蚊有特飲我覺得好抵）

打個電話叫外賣都要受氣發生不同日第一次男聲接聽 交代完點餐 外賣自取已經等左20分鐘先去攞，去到見未有等多10分鐘都未有，去問 收銀姐姐向廚房嗰邊講欠個A餐再等，等多10分鐘再問，竟然係話冇落到單反問我係邊個聽電話最後係白等左30分鐘以上。第二次都係男聲（應該不同人）接聽 先講出要點咩飯（電話入面有其他人聲）然後接聽侍應冇應過我 因佢似同隔離講緊嘢 唔確定佢有冇聽清楚我就等左佢大約2-3秒，佢就突然「講喇」。兩次體驗都好差聽個電話落外賣都有困難嘅話唔好做街坊生意喇

今日突然好想食炒小菜，發覺冇咩好推介嘅餐廳，於是去咗兆和茶餐廳，叫咗兩個小菜套餐，足料有鑊氣！涼瓜炒牛肉大大碟，好足料！配白飯加凍檸茶，涼瓜炒得爽脆，食落甘甜冇咩苦味，牛肉軟嫩，醬汁惹味，份量又足料！抵食！韮黃蝦仁炒蛋同樣大大碟，有韮黃香味，蛋滑程度一般，蝦仁雖然冇咩味，但還算爽口，尚可接受。價錢比外邊茶餐廳稍平少少🤏今餐尚算可以

呢間嘢都去過幾次, 味道同一般茶餐廳一樣，不過佢有鱔糊及蘭州拉麵食，就有陣時都會幫襯下，但最近一次係星期三晚市七點幾。我哋叫咗鱔糊飯同埋xo醬火腩煲。鱔糊飯好快上但個火腩煲幾乎等咗成半個鐘頭，鱔糊飯都食完，佢才黎火腩煲！ 見佢不停係咁接外賣，所以佢人手唔夠，等堂食等到你癲。大家入去要有心理準備要等。 火腩煲味道係做到出嚟嘅，起碼熱辣辣煲仔上，鱔糊中規中矩。味道唔差嘅。火腩煲鱔糊飯合共150蚊。性價比唔係太高囉。仲有我好大隻，佢安排我坐圓枱，當時冇卡位都冇辦法，但伙記顧客行出行入撞到我幾次，後尾有卡位轉返卡位就好啲。

喺香港食過唔少蘭州拉麵/牛肉拉麵，但係真真正正手拉麵嘅就唔多，呢間係其中一間。面身粗幼唔同，好明顯睇得出係手拉，入口有蛋香味同少許鹼水味，滑身但有啲咬口，ok但唔特別。湯底同牛肉就值得一讚，湯面有少許油花，飲落好有牛肉但唔咸唔味精，抵讚牛肉厚身，份量都算多，全部都係牛𦟌位，有筋有肉，但炆得好霖好入味，筋嘅部份入口即溶，肉嘅部份軟身唔塞牙唯一美中不足嘅應該係杯檸茶，真喺幾甜，下次會少甜so far呢個價錢嚟講cp值唔差，會有下次(見隔離枱菜飯好吸引，下次試下🤤)

這裡的咖喱豬頸肉飯、椒鹽肉排飯、乾炒牛河和凍檸茶都是非常美味的。首先是咖喱豬頸肉飯，這道菜非常受歡迎。豬頸肉肉質鮮嫩，咖喱醬汁香辣可口，米飯也很香。整體來說，這道咖喱豬頸肉飯非常美味，值得一試。接下來是椒鹽肉排飯，這個菜品也非常受歡迎。肉排油脂適中，椒鹽味道香脆可口，米飯簡單清爽，非常開胃。再來是乾炒牛河，這道菜非常有特色。牛河炒得香脆，加上豆芽、牛肉和青蔥等配料，味道非常豐富，是一道非常美味的粉麵料理。最後是凍檸茶，這是一種非常清涼解渴的飲品。檸檬味道清新，喝起來非常舒服，是一款非常適合夏天飲用的飲品。總體來說，我非常喜歡兆和茶餐廳的咖喱豬頸肉飯、椒鹽肉排飯、乾炒牛河和凍檸茶，他們的食材非常新鮮，味道也非常美味。如果您喜歡港式茶餐廳的美食，我強烈推薦您到兆和茶餐廳品嚐一下他們的美食，相信您一定會愛上這裡的菜色。

本身想食辣野，所以就叫左個蒜泥白肉(正常人應該會覺得係咸+辣??)點知黎到個蒜泥白肉係花生醬+蒜泥+白肉，仲要係甜既，成個感覺就好似比人夾硬塞左個你唔想食既野比你食咁，唔係好HAPPY。客觀講句味道唔差，但成個心理落差就好大，下次再叫又會唔知佢比咩野我食，所以唔會再有下次。

Openrice 外賣信用咭優惠，叫了滑蛋蝦仁飯和XO海鮮炒飯。滑蛋蝦仁有汁，滑蛋只係蛋花汁，汁定底好生粉，以為係炒蛋，期望有落差，蝦仁脆口，似用咗梳打。xo海鮮除咗仿蟹柳，食唔落其他有乜料，炒飯有咸味，但無xo惹味，勝在ok大份。整體一般，下次有優惠也不會回頭。

其實呢到好耐冇黎，因為以前成日都俾人打左尖。今日經過有位，就入去坐。食物叫左個咖哩豬扒飯，啲汁好稀，咖哩味一般，啲豬扒有煎過，有iPhone 咁厚🤣可惜食落去係唔熱嘅…另外個滑蛋蝦仁飯，個汁又係好稀，有14隻蝦仁，唔大粒。飯就硬身有咬口。叫左中湯，有2舊瓜，冇乜味，都係冇落味精。白湯就有粟米蓉蘿蔔蓉同蟹柳碎。全部食晒其實都好飽環境舊餐廳唔好預好乾淨，但接受到，唔係污糟先。服務以前應該係有老闆係到，好耐都冇見佢。男嘅其實好少岀聲，但你要野，佢都好快俾到你。送餐姐姐都好有禮物，想要杯水，佢都有問我要凍定熱。

話說星期六下晝要去荃灣買啲嘢，突然唔知點解好想食銀芽肉絲炒麵，掛住果個邪惡的脆脆麵底😋😋✨✨本來好普通嘅一個茶餐廳銀芽肉絲炒麵，呢間茶餐廳將佢變得唔普通🤣🤣✨✨應該就唔係我大鄉里啦，由細到大茶餐廳食肉絲炒麵都係一碟過，但係今次係分開上。成個感覺好似高級左🤣🤣🤣✨✨但係因為佢用個碗裝住啲獻汁，我一將d麵放落去食.....獻汁高溫散熱又慢......結果我一食落去熱到GG.....🥵🥵🥵🥵

夜晚喺荃灣同朋友練車，泊完車咁啱見到呢間餐廳所以就入咗去😙食咗佢好出名嘅刀削麵，份量好足夠，而且麵質都好彈牙😛不過佢真係太辣啦，搞到我飲咗三杯水，大家叫之前要諗清楚食唔食到咁辣呀🤫地址：荃灣兆和街36號地下

今日在荃灣做完野 經過兆和茶餐廳 決定入內食晚餐。點了咖哩雞扒意粉配奶茶。奶茶不過不失，咖哩雞扒煎得不錯，很嫩滑。最特別的是意粉預先用咖哩汁煮過，非常入味，很有誠意。

今日經過荃灣，又到3點3下午茶時間，於是隨便入左間茶餐廳試食。叫左份下午茶餐，蕃茄牛肉米線配奶油豬，加杯熱好立克。 蕃茄牛肉米粉，份量好驚人，完全唔係下午餐size.蕃茄汁濃，抵食又好食。 再來2塊奶油豬，比出面多一片，但味道就普通，可能煉奶唔夠多。 但份量真係好抵食。最後飲埋杯熱可立克，真係滿足，雖然味道普通，但好抵食。

早幾日諗住去南豐紗廠打卡影相，所以去左荃灣食個lunch先😁行行下去到一間中式麵小店，因為之前去過山西同蘭州旅行，所以對刀削麵同蘭州拉麵都有啲研究。上海水餃拉麵水餃超級好味，好食又有紹酒味。佢係蒸餃黎，所以能夠保留原汁原味。而上海拉麵彈牙煙銀分量多，湯底鮮味，唔係味精湯，所以食完唔會口渴。上海回鍋肉刀削麵回鍋肉一般，因為太厚。不過刀削麵分量多，而且好好食、好煙銀（不過味必個個鐘意食刀削麵因為比教厚實似麵粉，但中意食嘅人會好中意食!）麻辣肚絲好食！佢啲麻辣係分開上，可以自己調教落幾多。不過肚絲略嫌切得唔夠幼，太粗有啲～

行完山喺千色店散隊，準備揾地方醫肚，醒起朝早喺小巴站見對面有間茶記，感覺夠晒街坊，幾個餓鬼拿拿聲走去試吓。多得食客幫手轉枱，我哋先有卡位座。叫咗豬扒米線、牛腩灌湯刀削麵、沙嗲牛出前一丁跟奶油脆朱同火腿奄列。豬扒米線搶先上枱，除咗豬扒仲有雪菜肉絲？入口先知喺鹹酸菜，豬扒係熟識的豉油味，醃得夠晒入味，食落唔死硬，仲係最鍾意的連骨豬扒。米線Q彈，冇煮到過腍，又夠大碗，食得開心。出前一丁同樣冇煮到腍晒發脹，沙嗲牛個汁濃度剛好，搭一兩條青菜，整碗丁麵靚晒。奶油脆朱個樣堅誘惑，夠熱夠香脆，包包烘得金黃，食得出同上巿茶記的出品有好大分別。好彩夠手快搶到半隻獨食。牛腩灌湯刀削麵，牛腩份量多過預期，夠晒腍，仲有牛筋！湯底加咗中藥材，有清香的當歸味，食到紅棗同杞子，感覺似將阿媽煲的老火湯用嚟做湯底咁，充滿住家 Feel。味道唔濃烈，略嫌鹹咗啲啲。刀削麵比較薄身，唔似平時食的厚身版，可能跟米線會更加好。下次行完山，會再嚟試其他嘢。