影片
更多
2021-05-22
64 瀏覽
今晚同朋友食生日飯，搵咗呢間喺元朗新開嘅「I’m Not Nothing」，見Open Rice 新開，而且comment唔錯，果然係好介紹，環境、服務、食物質素樣樣都幾滿意。首先想講環境，門前裝飾得幾吸引，好似羅馬古典式，諗住臨走先影張靚相，點知原來門口會加枱有客人進食，所以唔方便再影。另外，店舖雖然不大，但白色優雅佈置配上古典大吊扇，都唔錯；惟一有啲熱，可能我坐嘅位置唔近冷氣風扇。至於食物，由主菜、小食至甜品全部都幾好味。一開頭飲餐湯（加$28，有餐湯、飲品，特飲半價），番茄湯OK，加咗個小食薯條配黑松露醬，個醬非常好味，薯條食到舔舔脷！我食嘅「龍蝦牛肝菌意大利飯」，龍蝦半隻加埋充滿龍蝦膏嘅意大利飯，雖然明知月巴死，但忍唔住食哂，因為實在太鮮甜美味，太滿足了！朋友食嘅「帶子羅勒意粉」同「燒豬手」都好正，個燒豬手好大份，雖然個皮唔夠卜卜脆，但味道OK，唔會太鹹，值80分！除咗個意大利飯，用Open Rice 訂枱送嘅甜品「玉桂蘋果杏仁班戟」，估唔到不但賣相精緻，而且鋪滿蘋果，明明唔鍾意食玉桂味蘋果批嘅我，今次覺得呢個玉桂蘋果班戟非常甜美，回味無窮！唔怪得呢間「I’m Not Noth
首先想講環境，門前裝飾得幾吸引，好似羅馬古典式，諗住臨走先影張靚相，點知原來門口會加枱有客人進食，所以唔方便再影。另外，店舖雖然不大，但白色優雅佈置配上古典大吊扇，都唔錯；惟一有啲熱，可能我坐嘅位置唔近冷氣風扇。
至於食物，由主菜、小食至甜品全部都幾好味。一開頭飲餐湯（加$28，有餐湯、飲品，特飲半價），番茄湯OK，加咗個小食薯條配黑松露醬，個醬非常好味，薯條食到舔舔脷！
黑松露薯條
$58
2 瀏覽
0 讚好
0 留言
我食嘅「龍蝦牛肝菌意大利飯」，龍蝦半隻加埋充滿龍蝦膏嘅意大利飯，雖然明知月巴死，但忍唔住食哂，因為實在太鮮甜美味，太滿足了！
龍蝦牛肝菌意大利飯
$148
5 瀏覽
0 讚好
0 留言
朋友食嘅「帶子羅勒意粉」同「燒豬手」都好正，個燒豬手好大份，雖然個皮唔夠卜卜脆，但味道OK，唔會太鹹，值80分！
燒豬手
$158
2 瀏覽
0 讚好
0 留言
除咗個意大利飯，用Open Rice 訂枱送嘅甜品「玉桂蘋果杏仁班戟」，估唔到不但賣相精緻，而且鋪滿蘋果，明明唔鍾意食玉桂味蘋果批嘅我，今次覺得呢個玉桂蘋果班戟非常甜美，回味無窮！
玉桂蘋果杏仁班戟
$68
3 瀏覽
0 讚好
0 留言
唔怪得呢間「I’m Not Nothing」西餐廳大家都俾好評，果然好味抵食，值得encore! 👍
帶子羅勒意粉
$138
3 瀏覽
0 讚好
0 留言
蕃茄餐湯
3 瀏覽
0 讚好
0 留言
張貼
