京都抹茶屋 (已結業)

因為工作關係黎左將軍澳，知道呢到有間食抹茶甜品既食店，就黎食個下午茶啦。之前係屯門果間試過都幾好味，所以作為抹茶迷既我黎開呢頭梗係把握機會黎試下我地兩個人叫左兩個甜品兩個飲品，全部都係抹茶!!!特盛白玉抹茶豆腐布甸 - 個抹茶豆腐布甸好好味比抹茶軟雪糕甜小小，豆腐味好香濃連埋雪糕同抹茶方塊，一次過食到三種抹茶甜品!!雪糕配白玉(好似湯圓既東東)，口感滿分宇治抹茶脆脆凍卷 - 呢個係下午茶餐，個班戟好好味，配左軟雪糕，啱啱好仲比我平d叫左杯抹茶飲品芒果抹茶牛乳 - 芒果同抹茶個味好夾，好好飲!!宇治鴛鴦 - 同行朋友鍾意飲咖啡，待應推介個呢個比佢，佢話好味，抹茶同咖啡唔會蓋過對方既味。我見杯野上面有粒綠色野，問待應係咩，原來果粒係濃縮抹茶冰，可以keep住杯飲品個抹茶味足夠，真細心整體都好滿意，而且我地五點島去又唔係好多人，過左一個悠閒滿足既下午