蜜密 (已結業)

心情唔好當然要食甜野 去左呢間小店 座位唔多 但裝修唔錯 揀左抹茶心太軟 presentation幾靚 墨綠色既心太軟 面頭鋪有白色既糖霜 旁邊有幾款唔同既水果 紅豆 cream 同小丸子 當然唔少得一球圓圓既抹茶雪糕 一切開心太軟 可以見到十分流心 濃郁既綠茶漿味道啱啱好 抹茶味幾突出 食到添加左少少蜂蜜 但唔會過甜 有些少澀味 配埋旁邊甜甜既紅豆茸食啱啱好 食到有d滯仲可以食下d水果 中和翻個味 小丸子亦口感好好 煙un軟糯 雪糕味道亦唔錯 唔係平價既雪糕 但略嫌抹茶味唔夠重 而且好硬好圓所以有d難整開黎食 不過冰凍既雪糕配埋暖暖既心太軟食一樣咁正 冰火交融 食完心情好翻哂