霸嗎拉麵 (屯門市廣場1期)

營業中

休息中

屯門霸嗎拉麵🍜開咗都一段時間，我老公好鍾意食拉麵，成日經過都話要試。好，就今晚試啦！今日盂蘭節，喺屋企附近快啲食完，早啲返屋企都好。身為一個蟹粉🦀，當然要試吓佢哋嘅期間限定—松葉蟹肉蟹膏軟殼蟹拉麵啦，而我老公就揀咗辛辣炙燒豚肉拉麵。我哋另加$12要多三大塊紫菜同$20粒粒橙汁。1️⃣ 松葉蟹肉蟹膏軟殼蟹拉麵 $128蟹粉一定要試！湯底蟹味超濃郁，最初都有啲擔心同拉麵唔夾，點知出到嚟嘅效果唔錯，味道好好。拉麵軟硬適中，偏幼身，係我鍾意嘅口感同質感。蟹肉同蟹膏都好新鮮香甜，軟殼蟹炸得酥脆可口，正🤩！2️⃣ 辛辣炙燒豚肉拉麵 $93我哋叫咗小辣少油，我哋都好鍾意個湯底，味道十分香濃開胃，淡淡嘅香辣提昇咗成個味道，隔離枱仲將成碗湯入晒，真誇張🤤。豚肉厚身，肥美香口，肉質鮮嫩，好食😋！杯橙汁就頹咗少少，用咗美x達，細細杯但要$20，大杯少少會好啲，唔夠喉。