龍德樓 (已結業)

新品『鮑魚花膠尚品煲』有主菜鮑魚，花膠之外，仲有鬆化魚肉，軟腍魚肚，魷魚，彈牙蝦球，嫩滑豆腐，西蘭花，香菇，豐富，高質食材，食到lam lam 脷。『章魚肉餅飯』，厚身的肉餅而且食得到章魚粒粒，甘香美味，蒸飯的豉油微甜，令到個飯非常好味。湯亦係呢間店的秘密武器，白肺湯杏味香濃，肺洗得好乾淨，稱為白肺當之無愧，湯好濃郁，色澤純白，好湯。日月魚燉赤肉湯亦好清甜，查實係畀足材料來燉。『馬拉盞時菜鮮魷』，平時都係跟通菜，今次幾意外，竟然有四款時菜挑選，揀咗油麥菜，估唔到都咁好食，油麥菜新鮮爽脆，下次再來會encore。