小草十八怪石鍋米線 (已結業)

同朋友太耐冇見，所以今晚揀咗18怪石鍋米線一齊食餐飯。好彩有book位，去到唔使等就可以入座。我揀左石鍋生滾胡椒豬肚奄仔蟹米線，朋友要咗個金湯過橋石鍋米線，另外叫咗串燒海蝦，蝦膠釀豆卜同埋椒麻蝦膠腐皮脆卷。我個米線因為有奄仔蟹，成鍋米線特別鮮甜😋仲有枝竹，腐皮，金菇，豬肚，食落口感豐富。朋友既金湯過橋石鍋米線，雖然睇落平平無奇，但其實內有乾坤。底下有封門牛柳，墨魚頭，花膠，鯛魚片🤩朋友話鯛魚片食落好鮮味，又彈牙，花膠又索晒啲精華，贊不絕口👍🏻蝦膠釀豆卜同埋椒麻蝦膠腐皮脆卷係因為見網上面太多人推薦，所以試下。個豆卜炸到卜卜脆，點埋特調醬特別香口😍蝦膠腐皮脆卷既蝦味夠濃又啖啖肉，值得推介。燒蝦外面加左小小鹽，燒到微焦，連殼一齊食更惹味😙十八怪交通方便又坐得舒服，有機會會再黎。