蒲羅

營業中

休息中

今日去到將軍澳搵食，呢道平民區啲野都唔會好貴，適合一般平民老百姓，今次呢間餐廳都非常親民，價錢都比較相宜。首先我地叫左個小食，斑斕咖吔多士，中間厚厚一片牛油，配咪斑斕醬真係口感非常豐富，麵包脆，中間滑。係我既至愛。主食方面我地就叫左兩個自由選A+B+C。第一個套餐就選左順化香茅豬扒配檬粉，豬扒炸到黃金色，分開上，香脆可口。檬粉又好有口感，非常彈牙。跟餐小食就選左星加坡鹹蛋黃魚皮，鹹蛋味好出，魚皮非常脆口，非常新鮮，大大塊十分滿足。另一個主食就點左馬拉咖喱豬頸肉配米飯，咖哩撈飯係非常野味，一啲都唔辣，甜甜地非常好味。豬頸肉好香，味道好，值得一試。隨餐小食就點左順化香茅雞翼兩隻，外脆內軟，味道岩岩好。最後飲品方面就選左薄荷青檸梳打同咪桂圓紅棗茶熱飲。兩款口味都各有千秋，兩款都唔錯，值得一試。