燒魂

營業中

休息中

今日同朋友喺尖沙咀行街，見到廣告餐牌有「燒肉任食放題」好豐富，所以就Walk in入去。餐廳可以無限任點任食，座位寬敞而且舒適，可以慢慢傾偈、慢慢食。呢度除咗有一般嘅日式放題嘅菜式之外，仲有燒肉，好特別。首先嚟一份刺身拼盤，可供選擇嘅刺身款式十分之多，刺身厚切，非常新鮮，而且份量十足，落單距離上菜時間好短，店員非常快手，服務非常好。燒肉食材方面都有好多選擇，其中牛肉薄切，脂肪比例均勻，肉質香滑，無筋，非常優質美味。其次就係豬頸肉，爽口彈牙，非常新鮮。配合醬汁、海鹽，自己調味，除個人喜好，彈性好大。除此之外，仲有其他熱盤，炸蝦天婦羅、炸大腸、炒雜菜、牛油粟米、酒煮蜆肉、蠔仔泡飯，全部即叫即製，新鮮熱辣，好好味。飲品提供罐裝飲品及紙包飲品可供選擇，其中有烏龍茶、檸檬茶等等，食得太飽，可以幫助消滯。