影片
更多
2009-06-06
28 瀏覽
2個月無打食評, 原因: 太懶+太忙; 但La Maison令我有衝動上黎再次打食評!! 早前同學話我知La Maison係中環太子大廈開左新分店!! 佢話open day果陣試飲熱朱古力好好味喎, 聽到我兩眼發光*V* 今日放學即興自己一丁人走黎試試.以前買佢d蛋糕返屋企, 路途遙遠, 難免會走樣;而家中環分店對面附設茶座, 可以即埸坐係度慢慢嘆甜品=)Chocolate Eclair $50睇完smalljj食評已經想試好耐, 但金鐘分店經常賣晒, 今次終於一試好長!! 一拎起, 好重手!! 一個人食晒一條極滿足>V<面頭dark choco醬又濃又滑, 一咬開, 整條eclair都注滿香濃軟滑choco cream!!但我覺得個pastry皮麻麻地, 唔夠香, 否則就perfect喇Maracuja Island $65推介推介推介!! >V< 外面係一層薄薄既milk choco醬,好滑好香caramel味!!入面有5層, 包括滑滑既朱古力mousse同埋椰絲;黃色部份係熱情果(最突出)+香蕉+芒果+檸檬mousse, 酸酸甜甜, 好fr
2個月無打食評, 原因: 太懶+太忙; 但La Maison令我有衝動上黎再次打食評!!
早前同學話我知La Maison係中環太子大廈開左新分店!!
佢話open day果陣試飲熱朱古力好好味喎, 聽到我兩眼發光*V*
今日放學即興自己一丁人走黎試試.
以前買佢d蛋糕返屋企, 路途遙遠, 難免會走樣;
而家中環分店對面附設茶座, 可以即埸坐係度慢慢嘆甜品=)
Chocolate Eclair $50
睇完smalljj食評已經想試好耐, 但金鐘分店經常賣晒, 今次終於一試
好長!! 一拎起, 好重手!! 一個人食晒一條極滿足>V<
面頭dark choco醬又濃又滑,
一咬開, 整條eclair都注滿香濃軟滑choco cream!!
但我覺得個pastry皮麻麻地, 唔夠香, 否則就perfect喇
Maracuja Island $65
推介推介推介!! >V<
外面係一層薄薄既milk choco醬,好滑好香caramel味!!
入面有5層, 包括滑滑既朱古力mousse同埋椰絲;
黃色部份係熱情果(最突出)+香蕉+芒果+檸檬mousse,
酸酸甜甜, 好fruity好清新, 層次豐富, 味道更勝eclair
索價$65既小蛋糕, 比我之前試過既玫瑰香檳蛋糕好味好多值好多=)
味道俾5分主要係因為此蛋糕, hehehe
Hot Chocolate Caracas $50
用普通白紙杯裝住&又貴又另人失望既熱朱古力`
有濃或淡兩種選擇, 我當然毫不猶豫揀左濃;
朱古力味道的確係好濃而且帶甘苦, 黑朱迷一定岩飲;
但唔係我鐘意既香味, 質感較稀, 而且唔夠滑;
VERO既熱朱古力只售$45, 無論味道定賣相都比La Maison好*
店員仲推介3款chocolate tasting, 係新返既summer collection,
我揀左一粒Ganache with saffron raspberry試*
dark choco好濃郁好滑, 帶點點桑莓果酸, 好好味, 但食唔出有saffron味
另外, 幾位店員都好nice, 好細心介紹甜品同埋朱古力;
La Maison門面極有貴氣, 但茶座就簡簡單單, 感覺同La Maison好分離,
雖然茶座就係La Maison對面, 但係俾一條大柱隔開左,
哈哈, 幾位人客係cova買完三文治同咖啡入左黎坐=V=
是次自己一丁人黎, 3樣都係濃濃既朱古力, 極飽滯!!
太蠢喇自己一個人黎...下次帶多個朋友黎試埋雪糕先得!!
仲有啊, 好懷念之前食過既caramel macaron!!!
張貼
