青椰

營業中

休息中

放咗工之後，偶然路過啟德，見到青椰，充滿東南亞特色嘅裝修第一時間吸引咗我。入面舖頭環境乾淨整潔，服務員態度好好，望住菜單繁多的菜式，就好期待揀咗幾款鋪頭推薦嘅「招牌菜」。我同個friend嗌咗新加坡海鮮摻摻麵，充滿泰國風情嘅辣肉碎煎蛋飯，仲叫咗一碟小食，斑斕牛油多士，叫咗兩杯色彩繽紛嘅嘢飲，分別係朱古力牛油果沙冰同埋斑斕芒芒特飲。摻摻麵入面有唔同嘅海鮮同埋配料，配料好多非常有誠意，喇沙味好香，麵非常彈牙。辣肉碎煎蛋飯香辣可口，非常開胃，辣得來又唔會好過分，令我一口接一口地食。特別推介斑蘭多士，層次豐富外面係被焗到香脆的斑蘭多士，塗上綿密的蜜糖，入口即溶嘅牛油，呢三種味道互相襯托， 十分惹味，甜而不膩。