皇室冰廳 (已結業)

今日唔想煮飯，所以就同男朋友一齊落咗附近食飯就諗住簡簡單單食就可以，於是就入咗去呢一間皇室冰廳，估唔到呢間皇室冰廳入面嘅中菜係咁出色，真係非常有驚喜！😍😍我哋叫咗兩個餸，一個係椒鹽豬扒，令一個係魚香茄子煲！基本上呢兩個餸亦都係非常好送飯嘅菜式🤣不得不提嘅就係呢一個椒鹽豬扒，呢個椒鹽豬扒非常香，好香嘅椒鹽味道，加咗少少微辣，非常香口！而且再加埋呢塊豬扒本身亦都煮得好林，所以食落口嘅時候口感好好！另外嗰個魚香茄子亦都好好食，份量好多！而且魚香茄子非常入味，醬汁亦都好香！整體來講，呢間皇室冰廳嘅性價比好高，無論價錢定係食物質素亦都係絕對有保證！