影片
更多
2024-01-30
1829 瀏覽
同朋友嚟花墟買年花，逛完就去附近搵間餐廳食晏。路經太子道西，見到有間「Lost in Thai」，門面以薄荷綠為主調，加上一些綠色植物襯托，環境清新優雅，感覺悠閒舒適，今日就一於喺呢度開餐。餐廳午市有套餐供應，定價由 $62 起，共有 17 款可供選擇，包主食、餐湯及熱飲，另外亦可以額外付費追加小食。點咗👇泰式蝦球炒飯 ($70) 蝦球大大隻，肉質結實爽彈，入口啖啖蝦鮮。米飯炒得好有鑊氣，粒粒分明，乾身又唔油膩，色香味俱佳！泰式濕炒牛河 ($78) 牛肉大大片，分量十足，肉質嫩滑；河粉炒得啱啱好，調味合宜，多汁得嚟又唔會過鹹，配上紅蘿蔔、菇菌和芥蘭，味道相當出色。朋友想食炸物，加咗客泰式拼盤拼盤 ($138)，有炸春卷、炸雞卷、炸蝦餅和炸魚餅；春卷炸至金黃鬆脆、蝦餅蝦味濃郁，而魚餅亦彈牙有口感，啱晒開心 share。一場嚟到，食埋甜品先走，點咗芒果糯米飯 ($52) 同 椰青大菜糕 ($28)，芒果甜美多汁、糯米飯軟熟煙韌，配上椰汁，香濃味美。大菜糕甜度適中，有椰青清香。飲品揀咗熊啤啤冰泰式奶茶 (+$20)，浸浴熊仔，賣相超可愛，入口香濃順滑，打卡一流。另一杯泰式龍眼冰 (+$1
路經太子道西，見到有間「Lost in Thai」，門面以薄荷綠為主調，加上一些綠色植物襯托，環境清新優雅，感覺悠閒舒適，今日就一於喺呢度開餐。
餐廳午市有套餐供應，定價由 $62 起，共有 17 款可供選擇，包主食、餐湯及熱飲，另外亦可以額外付費追加小食。點咗👇
泰式蝦球炒飯 ($70) 蝦球大大隻，肉質結實爽彈，入口啖啖蝦鮮。米飯炒得好有鑊氣，粒粒分明，乾身又唔油膩，色香味俱佳！
泰式濕炒牛河 ($78) 牛肉大大片，分量十足，肉質嫩滑；河粉炒得啱啱好，調味合宜，多汁得嚟又唔會過鹹，配上紅蘿蔔、菇菌和芥蘭，味道相當出色。
朋友想食炸物，加咗客泰式拼盤拼盤 ($138)，有炸春卷、炸雞卷、炸蝦餅和炸魚餅；春卷炸至金黃鬆脆、蝦餅蝦味濃郁，而魚餅亦彈牙有口感，啱晒開心 share。
一場嚟到，食埋甜品先走，點咗芒果糯米飯 ($52) 同 椰青大菜糕 ($28)，芒果甜美多汁、糯米飯軟熟煙韌，配上椰汁，香濃味美。大菜糕甜度適中，有椰青清香。
飲品揀咗熊啤啤冰泰式奶茶 (+$20)，浸浴熊仔，賣相超可愛，入口香濃順滑，打卡一流。另一杯泰式龍眼冰 (+$12)，味道亦唔錯，龍眼肉大大粒，香甜潤喉👍🏻
張貼
