泰妹餐廳 (已結業)

嗰日去開黃埔，行行下開始肚餓，所以喺附近搵下嘢食，發覺有間泰國餐廳，所以決定入去試下。餐廳位於黃埔天地。餐廳環境光猛，座位闊落。餐牌上有好多選擇，而且仲有套餐供應。蛋黃花咖喱軟殼蟹火山包，分量十足，軟殼蟹有兩隻，而且十分香脆，咖喱好香，加上麵包，味道一流。燒雞半隻，火候十足，外皮香脆，肉質嫩滑。臭翁草煎蛋，臭翁草味道特別，煎蛋香口，兩種食材味道非常配合，點上醬汁非常野味。香茅碟豆花檸檬梳打，甜度適中，味道清新。