小火山 (已結業)

尋晚竟然比我搵到間新奇有好食嘅泰國餐廳，係位於銅鑼灣堅拿道西冠景樓嘅小火山。餐廳主打泰豬鍋，即係烤肉+打邊爐一鍋二食。一到步店員會拎一個類似韓式烤肉板過黎開爐，唔同嘅係，板嘅周圍係會放湯，而且一邊係雞湯，一邊係牛骨湯，好盞鬼。食落就會知點解要咁做，陣間揭曉豬肉拼盤- 北海道千歲米豚：豬肉味突出，肉質細緻- 波蘭A級無骨豬腩：油脂分佈均勻，而且切得唔薄，食落會多一層口感- 手切泰式豬頸肉：肉質結實爽口，切成條狀，口感質感都一流- 泰式豬梅片：腩位，切成大大塊，上台時會有一隻生雞蛋喺上面比大家撈埋一齊煮，所以肉質會更加滑身，雖然大舊，但口感鬆軟，肉質細嫩，品質非常好，食完大滿足- 芒果糯米飯：尾聲甜品，完美落幕韓式烤牛肉就食得多，烤豬肉就少見，而點解要先打邊爐，之後先拎去燒？我估係因為豬肉更着重口感，肉片較厚，所以先打邊爐煮熟，再烤香，肉質會更嫩滑，肉味亦會更突出，效果係出奇地好，絕對刷新左我地豬肉嘅想像。呢餐非常滿意，正正