醉美島 (已結業)

今日約咗朋友入元朗行街睇戲,睇完戲諗住喺附近搵啲嘢食,朋友帶咗我去一間餐廳。醉美島,餐廳位置喺元朗鳳攸南街3號好順景大廈地下,餐廳地方雖然唔大,座位空間感好足夠,坐得都幾舒適。落單用QR CODES非常方便,今次試下餐廳推介醉美島海鮮鍋,二至四人份量。海鮮鍋上枱賣相非常吸引,材料好豐富有鮑魚,魷魚鬚,蟹,萵筍,粟米,薯仔,芫茜,豆腐卜,娃娃菜,金針菇。鮑魚size大隻,爽口彈牙非常新鮮,肉蟹分量好多又大隻,蟹肉非常肥美,加上有少少蟹膏,味道更加鮮甜,一梳梳蟹肉食落去真係好正。海蝦非常新鮮,蝦肉爽口彈牙,味道鮮甜,成個煲都係花甲,花甲size是好大隻入口爽甜,成個湯底都係新鮮嘅海鮮味,連個湯嘅味道都好鮮甜,萵筍吸收曬湯底嘅精華,入口爽甜無比。豆腐卜真係最入味。呢個海鮮鍋真係好值得推介,材料豐富用料新鮮。醉美 五花肉串,五花肉肥瘦均勻,加上燒到啱啱好,仲有肉汁,食去特別香口惹味,加上少少孜然粉調味,令肉味更加突出，肉質爽口最後點咗杯椰汁冰,清涼解渴椰子味香濃，吾會太甜，透心涼