影片
更多
2023-04-21
28 瀏覽
日日出街食飯， 食嚟食去都係嗰幾味， 有啲悶，今日想搵啲新菜式試下，近近哋就去銅鑼灣喇 。喺開飯網見到介紹湘菜 ，湘係湖南嘅簡稱， 湘菜主辣， 對於食粵菜嘅香港人來講，到底啱唔啱胃口呢 ？唔使擔心， 喺呢度食飯， 有辣有唔辣， 有大中小辣 ，餐廳真係好窩心❤， 照顧唔同人嘅口味 ，我哋平時係唔怕食辣 ，所以湘菜對我哋嚟講應該係有吸引力。 睇住開飯網嘅地圖按圖索驥 ，一路搵到銅鑼灣駱克道 the L Square 一樓， 𨋢門一打開， 就見到好骨子嘅餐廳， 潔白嘅裝飾， 有啲似私房菜格局， 間咗幾間房， 用湖南嘅名勝來命名，例如洞庭湖。 打開餐牌 ，真係一新耳目， 有啲平時未見過嘅菜名， 養生甲魚， 湖南殺豬菜 ，糯米蒸排骨， 農家窩窩頭等等。 第一次食湘菜 ，梗係要食啲有代表性的， 我搜集過資料先來。 第一 ，小炒黃牛肉，用大量嘅配料炒牛肉絲， 有蒜， 青辣椒，紅辣椒，酸辣椒， 蔥，芫茜 ，將牛肉絲爆香 ，牛肉鮮香嫩滑， 喺五顏六色嘅配料誘發下， 發揮出色香味最佳表現 ，成為餐廳嘅賣點。第二， 農家窩窩頭， 呢個菜真係好特別， 六個啡色嘅窩窩頭， 圍住一小碗 蒜頭辣椒炒梅菜， 見到就流
0 瀏覽
0 讚好
0 留言
日日出街食飯， 食嚟食去都係嗰幾味， 有啲悶，今日想搵啲新菜式試下，近近哋就去銅鑼灣喇 。喺開飯網見到介紹湘菜 ，湘係湖南嘅簡稱， 湘菜主辣， 對於食粵菜嘅香港人來講，到底啱唔啱胃口呢 ？唔使擔心， 喺呢度食飯， 有辣有唔辣， 有大中小辣 ，餐廳真係好窩心❤， 照顧唔同人嘅口味 ，我哋平時係唔怕食辣 ，所以湘菜對我哋嚟講應該係有吸引力。
睇住開飯網嘅地圖按圖索驥 ，一路搵到銅鑼灣駱克道 the L Square 一樓， 𨋢門一打開， 就見到好骨子嘅餐廳， 潔白嘅裝飾， 有啲似私房菜格局， 間咗幾間房， 用湖南嘅名勝來命名，例如洞庭湖。
打開餐牌 ，真係一新耳目， 有啲平時未見過嘅菜名， 養生甲魚， 湖南殺豬菜 ，糯米蒸排骨， 農家窩窩頭等等。 第一次食湘菜 ，梗係要食啲有代表性的， 我搜集過資料先來。
第一 ，小炒黃牛肉，用大量嘅配料炒牛肉絲， 有蒜， 青辣椒，紅辣椒，酸辣椒， 蔥，芫茜 ，將牛肉絲爆香 ，牛肉鮮香嫩滑， 喺五顏六色嘅配料誘發下， 發揮出色香味最佳表現 ，成為餐廳嘅賣點。
第二， 農家窩窩頭， 呢個菜真係好特別， 六個啡色嘅窩窩頭， 圍住一小碗 蒜頭辣椒炒梅菜， 見到就流口水， 非常巧妙嘅設計， 窩窩頭反轉好似一個碗仔咁， 可以裝啲梅菜係中間， 包住原來食，梅菜唔使用肉炒 ，用蒜頭辣椒炒仲更加好味， 梅菜嘅香味， 配搭窩窩頭嘅面香， 簡直就係天花板級別嘅美食， 農家菜之中嘅極品 ，太好味啦 ，呢個菜值得一再推薦推薦。
第三， 手撕包菜， 原來包菜即係椰菜， 呢度嘅炒法非常特別 ，用蒜頭加醋嚟炒， 椰菜的甜味加醋嘅酸味，再加蒜頭嘅香味， 混合出最好味嘅炒椰菜， 原來加啲醋炒菜就可以起到畫龍點睛 ，錦上添花嘅效果，真係非常奇妙。
第四 ，紅糖糍粑 ，最後梗係要試下特色甜品 ，炸香嘅糯米粉條 ，點紅糖漿食， 糍粑外脆內軟， 林啲紅糖漿喺上面 ，特殊嘅香味將香脆嘅糍粑變成最美味嘅甜品 ，原來簡單嘅食材都可以整出咁好味嘅甜品 ，真係佩服廚師的心❤思。
食完呢餐發覺自己孤陋寡聞， 原來湘菜有好多嘢好好食， 下次再來試其他嘅菜式。
張貼
