BnR (已結業)

又係食午餐嘅時候，我和同事嚟咗間新開食粉面或者米線嘅舖頭。舖頭走簡約風，和傳統粉麵舖不同，舖頭主要以雞湯、魚湯及冬陰功湯嘅麵食為主，配料主要以海南雞及魷魚筒配其他材料為主。我哋叫咗兩碗以雞湯為主嘅麵、一個炸雲吞及兩支豆漿，麵食分別是花膠雞淮山麵及藥膳雞淮山麵。花膠雞淮山麵雞湯比較清甜順滑，有濃濃嘅雞湯味，配上嫩滑嘅雞肉，仲有足料嘅花膠，而淮山麵軟硬度適中，好少舖頭可以轉淮山麵又不用加錢，成碗麵健康又美味。藥膳雞淮山麵呢碗湯頭比較濃郁，藥材味非常之出，但不會遮蓋雞湯味，非常之濃稠美味，直程可以當湯飲，而雞肉同埋淮山麵都係一樣嫩滑同軟硬度適中。炸雲吞炸雲吞上枱，同我哋想像唔同，呢度嘅炸雲吞比較特別，雲吞皮上面鋪咗一層墨魚滑，炸到脆卜卜，配上泰式酸甜醬，非常之香口又滲出淡淡嘅墨魚味，令人食唔停。