客尚來

營業中

休息中

讀hong Kong u嘅小妹妹話我知，帶我嚟咗呢間食上海菜嘅餐廳，佢位於皇后大道西，交通方便，搭地鐵也很方便，香港大學站落就ok㗎喇。地方唔算好大，但客常滿，起碼我嚟嘅時候就係咁樣喇，見到牆度啲menu餸都好吸引，照板煮碗，點咗松子魚，銀芽炒鱔糊，生煎包同埋高力豆沙，亦嗌咗三絲蔥油拌面有間店嘅招牌---花雕醉雞（例牌）。花雕醉雞（例牌），雞皮好薄，雞味好濃，酒味好入，我哋食不停口。銀芽炒鱔糊，喺香港可以食嘅地方都唔多，銀芽爽口，鱔肉軟淋，完完全全係喺上海食到的味道，要畀多幾個like先得。松子魚更加係好耐冇品嚐到的美味，呢度係用桂魚做嘅，成條上檯好靚，有香口的松子，酸甜甜的配菜同埋炸得好脆口嘅桂魚🐠，😋😋三絲葱油拌麵，高力豆沙及生煎包亦都好好味，仲有好多餸都想食，酸菜魚，魚香茄子.....下次再來過。