The Americano By Texas Burger (已結業)

今次我係慕名而嚟，專登要食吓風靡美國嘅beyond burger未來漢寶，我個friend 就好想試熱熔拉可雷特芝士漢堡，所以今次我哋都係嚟食漢堡飽。間餐廳對面就係D2 Place Two, 我哋行完先過嚟食嘢。見到熱熔拉可雷特芝士漢堡嘅單張好誇張，啲芝士好似倒水咁倒落個漢堡飽度。原來一啲都唔誇張，當侍應將漢堡飽放上檯後，跟住會拎出已熱熔了嘅拉可雷特芝士，用刀將芝士刮出，直接鋪在漢堡飽裏。漢堡飽本身已有厚厚的牛肉同香腸，配埋呢個熱熔芝士，趁熱食真係滋味無窮，但因為真係好多芝士，食完會覺得幾"漏"。前一排睇電視介紹過Beyond Meat, 已經好想揾機會試下，聽講佢係完全由植物造出嚟嘅素食，無激素無膽固醇，係非常健康嘅食品。呢個未來漢寶睇落跟一般漢堡飽冇乜分別，有蕃茄有菜同埋漢堡扒，好夠份量，食一個已經夠晒飽。想像唔到呢塊未來肉係植物造出嚟嘅，無論係味道定係質感，都好似肉一樣，仲好好味添。飲品點咗凍薄荷朱古力同熱朱古力，兩杯咁普通嘅飲品都整得好靚，啱晒影相。