滾火鍋 (已結業)

青山道喺長沙灣，深水埗一段真係好多食肆。今晚行過附近搵飯食，周圍睇吓邊間有好嘢食，呢間新開嘅做緊優惠，見到入面裝修好新，好舒服，就入去試吓。環境真係好好，但我哋兩個坐低就坐咗一張好大嘅卡位。湯底好多選擇，選擇都係好多咁，最後就揀咗沙爹芫荽皮蛋樣湯底。配料揀左和牛，上菜時好漂亮，又好大份。粉紅色，淥兩淥好快就食得，好有牛味同入口即溶。另外點左鮮蝦雲呑同埋午餐肉，雲吞料都好足。蝦新鮮好彈牙。午餐肉炸得好香口。美味。