Chibee Chicken and Beer (已結業)

見網上評語不錯，就試下啦！一去到見到有人喺門口等位，但職員問我地坐唔坐bar枱，我同友人兩個都冇問題，所以即刻可以入去坐低。店內職員全部都係韓國人，但可以講流利英文，所以落單時冇大問題！食物選擇唔多，有幾款更加停賣，所以好快就可以落單。我地叫左原味炸雞，韓式雞肉沙律，同埋卡邦尼年糕。一個銀色銀器裝住超過10件炸雞，配上兩個醬汁，一個鹽椒粉。炸雞外脆內滑，炸粉唔會太厚，好鬆脆，最意想不到既係雞可以咁滑！韓式雞肉沙律又係好好味，特別係個汁，酸酸地好開胃。最後係卡邦尼年糕，感覺同食卡邦尼意粉一樣，只係將意粉轉做年糕。年糕入口好滑，咬落“in un ”彈牙，實在停唔到口。不過都預左卡邦尼會比較漏，所以食完十分飽！整餐飯好滿意，除左野食好味，店員禮貌都好好。友人只點選一支啤酒，店員隨即主動問我要唔要水，服務好好。