Chibee Chicken and Beer (已結業)

之前食過佢嘅香草芝士炸雞念念不忘，所以約咗朋友嚟試吓其他款式嘅炸雞。泡菜薯條 - 薯條有直身粗薯條同波浪薯條，配上有泡菜嘅芝士醬，唔錯! 芝士玉米 - 粟米以鐵板上，keep 住個熱度，玉米甜甜哋再加上溶咗嘅芝士，好味! 天空奶昔 (Cloudy) - 乳酪見到顏色好靚，所以就揀咗佢，味道似益力多，食炸嘢同辣嘢，飲佢就最夾。天空奶昔 (Gloomy) - Oreo朋友叫咗 Oreo，佢話飲落好似食緊 Oreo 咁，幾好飲~天空奶昔 (Sunset) - 芒果乳酪另外一個朋友就話佢嗰杯芒果味好濃，酸酸甜甜咁。熱溶芝士炸雞 - oppa 拎嚟嘅時候好驚喜，熱辣辣溶咗嘅芝士淋喺炸雞上面，芝士味好香濃，炸雞無骨，啖啖肉，炸雞經過輕輕調味，淋埋又香又鹹嘅芝士，勁惹味，食完醋汁椰菜沙律，同埋酸蘿蔔，中和返啲熱氣感，又可以繼續作戰。黃金鹹蛋炸雞 - 呢個好創新，炸雞面有層鹹蛋黃包住，食落好香口，出奇地夾，正! 韓式烤牛肉 Racbag - 牛肉唔係好肥嗰種，加埋啲芝士、洋蔥同菇類，配上法包，好食!香辣雞肉 Racbag - 香辣嘅炒雞肉，加埋芝士同年糕放喺法包上，勁惹味。