越味皇 (已結業)

今日難得同老婆拍住拖去荃灣行街街，行到肚餓路經德圍搵食祭五臟廟，門口已聞到香噴噴烤魚味，一於入去試下。我們被安排就坐卡位，抬頭盡是越南斗笠海，配合柔和的燈光相當有情調。越南蝦多士（$48）餐前小食一定要叫越南蝦多士，兩片法國麵包上面釀入厚厚的蝦膠，再炸至金黃鬆脆，一啖咬落去真係滋味無窮！越式烤魚（$88）呢條越式烤魚真係風味獨特，公人明火正接烤熟，配合埋秘制檸檬汁，鮮味攞滿分！蜆港蒜蓉牛油焗青口（$68）半打新鮮青口，用蒜蓉牛油黎焗，聞到已經令人口水直流。趁熱食想唔好味都難！越南串燒（$88）分別有烤雞同烤牛肉各三串，加上秘制醬汁的明爐串燒，盡顯越南特色。串串新鮮熱辣辣香噴噴，一串接一串停唔到口。特式飲品食完咁多香口野，緊係唔少得飲個椰青清清熱氣！呢度大大個椰青都只係$30，清甜解渴！而我就揀左滋補養顏的龍眼冰，都係$28蚊咋！