麗晶軒 (已結業)

最近天氣咁凍，緊係想去食下烤魚或者雞煲啦。今日黎到九龍灣麗晶花園既麗晶軒，呢到選擇非常多！又有點心又有烤魚雞煲。店員都好細心咁為我地推介唔同既食物當日我地叫左一個二人烤魚餐。涼菜我地選擇左尖椒皮蛋，好開胃！雖然係尖椒，但辣味唔重，食落口涼浸浸，皮蛋味好濃小菜我地選擇左麻辣土豆絲，呢個真係非常惹味，一入口已經食到辣味，但唔會覺得嗆喉，反而會想繼續食下一啖，結果食到停唔到然後主菜黎啦！烤魚我地選擇左酸菜烤魚，一上爐就見到條烤魚真係好大條，勁足料，急不及待好想即刻食，雖然大條，但魚肉仍然好細滑，非常新鮮，加上酸菜湯底完全入晒味，呢個餐仲送兩碗白飯，真係岩晒！我地再另外叫左一份午餐肉，放落湯底同樣吸收晒湯底味道，用黎送飯認真一流！另外，呢個餐亦有一份蔬菜，食完咁多麻辣野，再食返d菜補一補