小魚兒 (寶漢大廈) (已結業)

銅鑼灣有很多琳瑯滿目的餐廳美食，剛巧天氣涼涼地，朋友建議食川菜，辣辣地又可暖吓身。看見“小魚兒” 有特色烤魚、雞煲、京川滬等等，反正未試過，便去食。🐟🔥江團魚以中間一條大骨為主幹，冇乜小魚骨，啱曬我怕哽骨的人。配上老壇酸菜豆花口味，可選BB辣、大、中、小、辣麻等。魚皮經烤制後形成金黃酥脆外皮，優良烤魚製作保持魚肉嫩滑口感，肉質肥美、有豐富嘅魚油脂香味、彷彿補充膠原蛋白。就算煮耐咗，肉質都係鮮甜嫩滑。還有配菜寬薯粉、青瓜、紫洋蔥圈、豆腐、芫茜、酸菜蒜蓉、木耳辣椒等， 因我鍾意食豆腐乾，還加了風琴豆腐，份量滿足又飽滿。另外還柯打了兩個小吃：🔥越南粉絲春捲（5件）： 剛剛炸起，配合酸甜醬，外脆內暖。好味道。🔥炸蝦餅（5件）：蝦味濃郁，卜卜脆口，正。餐廳環境新裝修好靚，座位寬敞舒適，用QR Code落單方便快捷。網上訂位有折頭。整體係一間唔錯川菜館。